- Tutt' 'e mmatine da Santa Teresa,
- scenneva n'omme, nu scartellatiello,
- miezu cecato dint' a nu mantiello.
-
- Brutto, peluso e ccu' nu poco 'e affanno,
- scenneva p'arrivā fin' a Tuleto;
- nun arrivava manco a qquarant'anne
- e gghieve 'nciampecanno 'ncopp' ' e
pprete.
-
- " 'O ravanuottolo!" Diceva 'a
gente
- e aretoareto 'e cchiorme 'e
guagliuncielle;
- ma po'm'a natura 'nfama, stranamente,
- ll'aveva dato ll'anema 'e n'auciello.
-
- Se sente d' 'e gginestre ancora addore
- e 'int' 'o silenzio, 'a notte,
chianu-chiano,
- se sente ancora ll'eco 'e nu pastore
- ca va cantanno e vvene da luntano.
-
- E ccanta sulitario ammore eterno,
- ll'ammore ca nisciuno maje nce ha dato...
- Cu' 'a penna mmana era nu Pateterno
- e d' 'e suspire suoie se sente 'o sciato
|
