-
- ‘O sapite chi è
- ‘o masculo addummenante?
- L’animale ca tene ‘e palle,
- ca fa ‘o cumannascoppole dint’a
morra,
- chillo ca se nsapona
- tutt’’e femmene ca vò isso
- e lardèa l’ate mascule arrapate
- ca ‘o vulessero fottere ‘o posto.
- Se ne va superbiuso p’’a terra soia
- comme fosse ‘o padrone d’’o
munno.
- ‘A femmena, comm’’o vede
arrivà,
- l’adda apparà ‘e pacche e
- s’adda mettere....sott’’o
paccaro.
- Nuie uommene quanno ‘o guardammo
- a’ televisione ce ne iammo ‘e capa,
- pecchè ce mmaggenammo dint’’e panne
suie:
- ce aizammo deritte e mpustate e
- ce pacchiammo p’’a casa
- facenno l’allucco d’’a bestia
- e menannece cazzotte a tammuro
- ncopp’’o pietto.
-
- Ma...’a bbì loco, sta venenno,
- ncazzata peggio ‘e na bestia,
- cu ‘o nennillo c’’a piccia
mbraccio
- e cu ‘a burzetta int’a chell’ata
mano:
- appriparata p’ascì, pe’ ghì a
faticà;
- m’ha veduto ‘e cammenà
p’’o curreturo
- comme a nu scignone accalummato....
- "’A vuò fernì ‘e fa ‘o
strunzo? Levate
- ‘a loco, nun tengo tiempo ‘a
perdere!"
- Guarda là! E comme sta ntustata !
- L’animala!
- Tene na forza dint’’e braccia
- e dint’’a capa
- ca, si vò, ciento ‘e nuie
- s’’e mette int’’a sacca,
- comme nucelle int’’o sacco!
-
- Eh...‘a bbì, mo’ sta ascenno
- chiena ‘e vita,
- ticcherettianno cu ‘e tacche,
- ‘e cosce cummigliate sulamente
- d’’e cauze ‘e nailòn,
- chelle fine fine, suttile suttile....
- Ma comme cazzo facite?
- Aggio pigliato ‘o catarro.
- tengo nu poco ‘e freva,
- sto cà cu ‘o scarfalietto
ncopp’’a panza
- e cu ‘a scazzetta ncapa,
- fà nu friddo mmiez’’a via
- c’a nuie uommene s’agghiacciano
- pure ‘e pile d’’o mazzo,
- e chella se ne và cammenanno
- cu ‘e cosce ‘a fora e ‘e piede
annuro!
- Puozze sculà!
- Ma che tenite? ‘A carbunella
- squagliata dint’’e vene?
- E che sasiccio!
- E quanno site prene?
- Nuie, si ammo magnato
- nu poco suvierchio,
- ce lamentammo, ce sentimmo
- ‘o stommaco ntufato
- e ce ammo stennere ncopp’’a pultrona,
- aspettanno ca vene ‘o rutto libberatore!
- Si avessemo tenè, nuie, pe’ tante mise,
- na palla ‘e cannone ‘e chella forza
- dint’’a panza, ce venesse na guallara
- ca ce scennessero ‘e palle fino nterra!
- E si avessemo partorì, nuie?
- Ma si sulo pe’ cacà nu strunzo
- cu ‘a capa nu poco chiù tosta,
- ce abbrucia ‘o culo e
- s’abboffano ‘e morrojde,
- figurammoce cu ‘a capa ‘e na
criatura!
- Vuie mmece ve mettite
- subbeto a allattà!
- Nuie, si ce avesse zucà ‘e zizze
- na vocca cu na lopa ‘e chella manera,
- addeventassemo arrepecchiate, arrappate e
pellecchiuse!
- E l’affare d’’e mestruazione?
- Nu schizzillo ‘e sanghe ianco,
- chillo ‘e supraffiggia,
- chillo ca nun se fa russo
- manco p’’o scuorno ‘e
- se fa chiammà sanghe,
- a nuie uommene ce fa scevulì nterra
- cu l’uocchie smurzate p’’a
mpressione,
- comme si avessero scannato nu puorco!
- E vuie ca v’’a vedite
- cu ‘chist’affare ogne mese!
- Na ferzulella ‘e cuttone
- assurbente miez’’e cosce
- e facite ‘e stesse cose ‘e primma,
comme niente!
- ‘E figlie, ‘e figlie!
- Nuie le dammo sulo ‘o cugnomme,
- chillo d’’a famiglia, chillo ca
- le dà l’appartenenza;
- site vuie ca le date ‘o nomme overo,
- chillo d’’a perzona, chillo ca
fa...’a differenza!
-
- S’è fatta sera...ssss...
- se sente ‘a chiave dint’’a
mascatura,
- sta turnanno ‘a casa, ‘a bbì loco,
- me saluta, se cagna e va add’’e
figlie.
- Chiù tarde, doppo ca s’è cuccata,
- me chiammarrà ‘a dint’’o
lietto...
- "E viene! Te vuò movere?"
- L’animala!
- Sarrà strutta, stracqua e chiena ‘e
suonno
- ma vularrà fa l’ammore cu mico.
- I’ che niente aggio fatto
tutt’’o juorno,
- cu duie sinchetille ‘e merda ‘e freva
ncuollo,
- p’’a paura ‘e fa fetecchia,
- farraggio apposta a nun ‘a sentere...
|
