- M’appresento…cu nu poco ‘e
fetenzìa.
- I’ me chiammo accussì: Ferruccio Elìa
-
- P’avè l’assiento ‘a chesta assuciazione
- pare ca v’aggio dà na spiecazione
- ‘e chi song’i’ e ‘e chello ca mpupazzo.
- Non so’ nisciuno e n’accocchio manco ‘o…
-
- Ma regno paggine ‘e tutte ‘e culure:
- vierze ‘e puesie, cunte ‘e rise e dulure,
- iuoche, canzune, cose serie e cose ‘a pazzo.
- Nun ve piace? N’ me passa manco p’’o…
-
- Tengo chiù ‘e cinquant’anne,
- niente affanne e né malanne.
- M’’e porto senza mbarazzo,
- …e me prode ancora ‘o…
-
- Tengo ‘a capa ca sfrennesèa,
- arrevutante chiù ‘e na trupèa.
- Si me piglia ‘o fucarazzo
- se sfoca pure ‘a capa d’’o…
-
- E scrivo, scrivo, scrivo…
- Me dicono ca so’ accessivo.
- Si tengo genio me faccio nu mazzo,
- ca ‘a gente dice: "Ferrù, ‘a faccia d’o…
-
- Quacche premmio sì, l’aggio venciuto.
- Pe’ pubbrecà? O ricco o canasciuto.
- Nun tengo sorde sott’’o materazzo
- e nun me sape manco ‘o frate d’’o…
-
- Cu quatto iatte tengo na puteca:
facimmo cu ‘e parole mpeca e speca.
- E’ nu sfizio, nun è nu strapazzo,
- si no me fosse già ammusciato ‘o…
-
- Ammento storie nere, senza speranza,
- nun me piaceno ‘e vruoccole ‘e crianza,
- ma aret’’o ntrallazzo, sott’’o scamazzo,
- c’adda sta pure na risata ‘e…
-
- Faccio nu mestiere ‘e niente
- pe’ nun vivere ‘a pezzente.
- Alloggio ‘o Vommero,
- a na via, a nu nummero,
- dint’a nu palazzo…
- Mo’ basta, me so’ rutto ‘o…
-
- Ma….
- Si vuò parlà cu me chesto hè ‘a accumpì:
- iognete a "uccio-maruzza(@)-gianpì(jumpy).
- Datese ca accussì nun è fernuto ‘o scritto,
- ncasa cu ‘o dito appriesso: punto.itto
uccio@jumpy.it
|
|
